《古惑佬》
「喂，你同你啲兄弟着晒制服曬晒馬咁，又露晒個樣，咁樣我好難照你㗎喎……」
「我咁攬你，你唔係唔撚攬我呀嗎？」
「嗱，你就我梗攬㗎，問題係我邊攬到咁多人唧？件事鬧到咁大，總要有所交代嘅。我啲手足已經幫口幫到盡啦，你有眼睇㗎。」
「咁即係點先！」
「即係交幾個人，等件事過咗去囉，大家咪有餐安樂茶飯食囉。着草嗰幾個又可以返番嚟食圍村菜，皆大歡喜啦。」
「咁樣我點對得住啲兄弟？」
「兄弟嘅嘢，就係呢個時候兩脇插刀㗎啦。」
「而家係畀你插我兩刀喎。」
「總之好來好去，唔係到時一鑊熟就盞搞。」
「哦……我知你講咩……警告我唔好爆大鑊咁話啦！」
「唔好咁講，你唔掂時我都唔掂，大家三口六面拆掂佢，就保證大家都無事啦。」
「你係至好講啊。唔係一拍兩散。」
作者
Search